Archive for the ‘Piperøykjing’ Category

Favorittobakk

juni 22, 2016

Dette er favorittobakken min no for tidi. So langt eg kjenner til er han ikkje råd å få kjøpt i butikkar eller hjå tobakkshandlarar i Norge – kun i taxfree-butikkar på flyplassane.

Desverre/heldigvis er eg lite ute og reiser i den store verdi. Men viss nokon er på ein taxfree og kjøper ein slik til meg – mot betaling sjølvsagt – skal dei som bonus få ei medium treskål som eg har dreia. Ei skål pr tobakksøskje.

Pipa mi – transkribering

juni 1, 2016

aslak

Har prøvd å transkribera Pipa Mi av Aslak Høgetveit.  Kom gjerne med kommentarar til transkriberingi, songen – eller piperøyking generelt.

 

Pipa mi

Du mi kjære pipe må alltids med meg vera

Dersom noko stort eg sko fram i livet bera

Inn igjennom pipa eg mangt og mykje sankar

Ut med piperøykjen eg bles dei store tankar.

Og eg trur då inkje hell tankar burde fødast

Når dei i ei pipe hell inkje toler glødast

Mann, når berre pipa blir stappa godt og elte

Nok av store tankar vi ut i verdi velte.

Sår tunge….

juli 13, 2014

Eg har snakka med folk som fortel at dei måtte slutta å røykja pipe då dei vart frykteleg såre på tunga og tungespissen. Dette problemet har eg ogso merka.

Den tobakken som for meg fungerer best, er Holger Danske, Cherry Vanilla, men eg har ikkje prøvd svært mange, enno.

Sur pipe…

juli 13, 2014


Illustrasjonsbilete

Somme har fortalt meg om kor ufjelgt det lukta av dei sure pipene. Gamle Jostedal kommunestyre skal visst ha vore eit ekstremt negativt eksempel på dette.

Eg har lese (i mangel på læremeisterar) at det er viktig å røykja pipa HEILT tom. Viss det vert liggjande att litt tobakk i botnen, so vil dette ogso vera ein samleplass for pipeolje og forureiningar. Det er viktig at dette vert brunne opp, elles samlar det seg berre opp og gjer pipa sur. Og sjølvsagt er det viktig med piperensar og å fjerna kol/koks-laget i pipa og kanalane når dette vert for tjukt.