For ei stund sidan vart det sett grevling i Jostedalen. Etter som eg forstår i vegen framom Gjerde. Det skal visst også vera sett grevlinghi i Fåberg i fjor, men han som såg det var redd han ikkje skulle bli trudd. Begge observasjonane reknar eies som pålitelege.

Er det klimaendringane me ser resultatet av? Når kjem pinnsvin til dalen – truleg er elvane eit hinder for det vesle dyret.

På bloggen til Jostedalsrypa har det elles vore ein del prat om blomar som finst og ikkje finst i Jostedalen. Og om planter som i seinare tid har vandra inn i dalen – på ymse vis.

Siste: Er nok for lite oppdatert på bloggane. På Skimannen kan du lesa meir om grevlingen i Jostedalen.

Fylkesmannen i samarbeid med Luster kommune inviterte til ope møte om jerven i Indre Sogn.
Representantar frå Direktoratet for naturforvaltning, Mattilsynet, Rovviltnemnda og småfenæringa skulle ha innlegg.

I tillegg la ein jerveforskar  fram nytt frå skandinavisk jerveforskning.

Møtet skulle bli avslutta med spørsmål og diskusjon.

—————————————————————–

VAR NOKON PÅ DETTE MØTET?

KANSKJE DEI VIL LEGGJA INN EIN KOMMENTAR… ?

Denne bloggen legg vekt på å koma med påliteleg og etterretteleg stoff. Likevel fell eies for freistinga til å koma med eit 100% ikkje-stadfesta rykte:

For ei stund sidan (+/- ei veke) påstod nokre turistar at dei hadde sett bjørnespor langs vegen ved Bjønnstegane. No viste det seg at desse ikkje var særleg trena i å observera og tolka spor. Observasjonane er heller ikkje stadfesta, då spora snøa ned før kunnige folk fekk sjekka dei.

Om dette verkeleg var bjørnespor er difor høgst usikkert. Men sidan det ligg fleire hiplassar framover mot Trongedalen, så er det ikkje heilt urimeleg heller.

Time vill sjåvv.

No skal det setjast i verk tiltak. Men kva går tiltaka ut på…

Det finst ei fin side som heiter: Jakt og fiske – Vestlandet. Her er mykje interessant stoff.

Ein jerv vart i dag skoten ved Langefonni i Krundalen.

Nye opplysningar seier at det var ved Grøneskreda, litt lenger mot vest.

Det har vore rapportert om mykje jervaspor i år, og seinast i natt skal jerven ha vore innom reve-åta/åtlet til ein jeger i dalen.

Sameleis vert det fortalt at ein jerv til vart skoten ved Offerdalen, vest for Årdalstangen.

Men alt dette må førebels sjåast på som ubekrefta rykte.

——————————————————————

Hjå DN, på Rovviltportalen vert det no stadfesta at to jervar vart skotne i dag. To hannar – ein i Årdal og ein i Luster.

Frå kjelder eg stolar på, har det vorte fortalt om observasjonar av noko som vanskeleg kan vera anna enn bever i Vigdalen.

Om dette er ein art som vil trivast her, veit eg ikkje. Får berre håpa at eit eventuelt dyr får gå i fred for rovdyr og nysgjerrige folk (ikkje minst…).

Har nokon foto av sporavtrykk?

Er det nokon, eller kjenner nokon til nokon, som vil vera med å støtta arbeidet for villreinen i Luster? Det som gjer dette ekstra vanskeleg er at den eller dei ikkje skal vera jegerar eller ha interesser som grunneigarar. Arbeidet er akkurat så mykje  som den enkelte har tid og lyst til. Kanskje i ei gruppe.

Slike menneske utan jakt- eller grunneigar-interesser finst, trur eg. Viss desse engasjerer seg, er det mest gjort. Trur eg. Ta gjerne kontakt.

(Men misforstå meg ikkje: Alle er sjølvsagt velkomne.)

- over den kyniske haldninga ein del har til naturvern. Eg tenkjer både på naturvern i Breheimen og utbygginga av Vestside-elvane.

Welcome to WordPress.com. This is your first post. Edit or delete it and start blogging!