kommentarar til: Hjort med GPS på veg opp Jostedalen

Av: eies

eies — Sat, 30 May 2009 05:41:40 +0000

I natt, klokka 00.26.10, fekk eies følgjande gladmelding: “Merkebukken på Snøtunsøygarden no.”

Av: eies

eies — Fri, 29 May 2009 14:01:47 +0000

På kartet ser det ut til at bukken for ca 14 dagar sidan var mellom Grov og Breiskrea i Bergsetdalen. Men for knapt 1 veke sidan var han altså observert bortanfor Grov og heimom Bakkane, så “svar du meg på, kvar er han nå”…

Av: eies

eies — Tue, 26 May 2009 19:04:48 +0000

I går kveld var eies i Krundalen og studerte hjortane. Men han såg ingen hjort med gule merkje. Men der var nokså mykje hjort å sjå, særleg bortanfor Snøtun.

eies håpar no at andre også vil vera på utkikk etter bukken. Han har halvveges fått ein avtale med innehavaren av ein av dalens beste kikkertar…

Av: eies

eies — Mon, 25 May 2009 09:19:22 +0000

For å oppklara eventuelle misforståelsar: Hallvard Flatjord er "Initiativtager, leder og koordinator for merkeprosjektet i Sunnfjord og Ytre Sogn. Har lang fartstid som hjortejeger og en sterk interesse for forvaltning av hjort." Les originalteksten her Det eg trur ut frå det eg har sett, er at kalendaren og lyset verkar mest inn på tidspunkt for trekket. Snøsmeltinga og groen verkar berre inn i "mindre" grad. Men kan godt henda eg tek feil. Artig å høyra kva forskarane meiner.

Av: Hallvard Flatjord

Hallvard Flatjord — Mon, 25 May 2009 05:30:11 +0000

Ver klar over at det vert lagt ut på kartet med ca 14 dagar forseinkning.
Det kan vere dårleg mobildekning i området ,og er det eit trangt dalføre med høge fjell so kan det enkelte tider verte problem med å nå satelittane.Men det har som regel gått bra med det her i Sogn og fjordane.
Ellers so skal eg prøve å få greie på dette med start på vårtrekket,om det er groen eller om lyset og kan virke kan virke inn.
Vi snakkes

Av: ha

ha — Mon, 25 May 2009 01:55:16 +0000

Med andre ord så ligg de litt føre teknikken no .
Moro å sjå korleis dei går desse hjortane. Og at trekket er slik som me har trudd det er.

Av: eies

eies — Sun, 24 May 2009 20:56:56 +0000

Ein blogg- og hunde-eigar her i dalen fortel at han i kveld har sett ein hjort med gult øyremerkje bortanfor Snøtun. Om han hadde gult halsband var verre å sjå. Me kjem attende når og viss det ligg føre sikrare opplysningar.

SISTE: fos kan no stadfesta at hjorten har klave. Så då er det mykje som tyder på at det er bukken som er omtala ovanfor.

Av: eies

eies — Sun, 24 May 2009 20:07:09 +0000

Ne, eg veit ikkje mykje om dette. Men eg har formidla spørsmålet vidare, og så får me sjå.

Det er dårleg mobildekning fleire stader, ma. mellom Stegegjerdet og Leirdalen (- so omtrent…) Og framom Fåberg er det heller ikkje dekning.

Av: ha

ha — Sun, 24 May 2009 16:09:08 +0000

Moro å fylgja med på kvar desse GPS-hjortane går. Men Luster gul 123 som er på veg framover i Jostedalen er ikkje så lett å fylgja med på. Den vart vel merkt på Eikjo i midten av april. Og gjekk opp mot Molden og beita fram til den 8/5. Etter det så er det ingen spor av den før den er komen forbi Alsmo den 12/5. Den 13/5 er den på høgd med Husøy. Kvifor vert det ikkje fleire opplysningar om denne hjorten. I dag er gps-hjort Luster gul 123 tilgjengeleg til den 13/5 medan Sogndal gul 124 viser fram til den 16/5 ( den er komen fram til Kvam på Veitastrand, etter å ha vore på Heggmyrane i perioden 20/4-15/5).

Er det dårleg dekning på mobil mellom Marifjøra og Alsmo?
For det er vel slik at dei gps-hjortane som kjem fram på nettet er avhengig av mobildekkning. Veit du noko om dette Einar?