kommentarar til: Fisketrappa i Langøyane

Av: eies

eies — Mon, 11 May 2009 05:02:54 +0000

Når so mykje er skrive, vil eg her – i stille morgonstunder – leggja til at Fiskegruppa i Luster Jakt- og fiskelag og ikkje minst Olav H., har lagt ned ein formidabel innsats når det gjeld kultivering av Jostedøla. Stamfiske på Alsmo, klekkeri i kraftstasjonen på Myklemyr (- dette er rykte – ver venleg korriger…) og ikkje minst utsetjing av rognkassar ma. i Myten og ved Grisurdi. Mange, mange timar har vore nedlagde – ros til dei for det!

Dette reknar eg med er gjort etter ynskje frå- og i samarbeid med grunneigarane. Sameleis fisketrappi i Langøyane som difor må fullførast og gjerast funksjonell – sidan dette var eit krav ved utbyggingi.

Eg får likevel ein litt flau smak i munnen viss ein nærmast skal “kriminalisera” fiske etter nokre aurepinnar – løkjafisken – mellom Langøyane og Fossen. No er eg viss på at verken fisketilsynet eller Fiskegruppa ynskjer noko slikt, men slik eg ser det, kan dei gjera det, med lova i handa.

Eg håpar at alle dei som fiskar i Jostedøla – anten dei har karbon- stenger og neopren-vadarar, eller dei er sidrumpa langbambus-fiskarar(finst dei…?) kan samarbeida om dette. Ja, det er eg faktisk viss på.

Av: eies

eies — Sun, 10 May 2009 20:28:01 +0000

Eg meiner bestemt at eg har høyrt fleire rapportar om sjø-fisk ved Fossen. (Har til og med høyrt at enkelte “tøffingar” kom seg framom før fisketrappa vart bygd. Kan fleire stadfesta dette… ?)

Det er sjølvsagt “stas” viss me skulle få sjøaure (og laks) til Fossen og endå lenger framover. Ulempene (fordelene… ?) er at på strekningar der laks og sjøaure går, der skal det (eigentleg…) vera eit minstemål (30 cm – trur eg det er). No veit eg ikkje om oppsynet sender inn rapport viss dei kjem over ein bestefar og barnebarnet med eit par aurepinnar på ein bjørkekvist, men slik er no reglementet.

Eg har hatt fleire interessante diskusjonar om dette med veterinær Olav H. Me er vel ikkje heilt einige, men Olav er uansett ein fagleg dyktig og ivrig jakt- og fiskeentusiast. Du bør absolutt spørja han om slam og lægre temperatur i elvi er så skadeleg som eg vil ha det til.

Han målbær synet om at viss me fiskar td. i Myten eller Grisurdi, så tek me livet av “konfirmantar”. Og det er heller (eigentleg…) ikkje lovleg.

Heile sjøaure- (og lakse-)stamma i Jostedøla lir som ei følgje av meir slam og kaldare vatn etter utbyggingi. Realismen i fisketrapp-prosjektet er eg såleis usikker på. Men viss du greier å konstruera ein slamavskiljar og ein vass-varmar til bruk i elvi – og NB: Som virkar! Då har eg stor tru på dette.

Av: jiljelasguten

jiljelasguten — Sun, 10 May 2009 18:50:46 +0000

Det er ein ting som kunne vera verdt å prøva, meiner eg. Trur at fine hølar og oppvekstplassar har meir å seia for stamfisken enn temperaturen. I slike hølar vil jo og temperaturen bli høgre. Ellers vil eg få presisera at eg har ingenting imot om sjøauren skulle ta seg heilt fram til Fossen. Er det forresten vorte observert sjøaure framanfor Langøyane etter laksetrappa vart ferdig?

Av: eies

eies — Sat, 09 May 2009 21:14:47 +0000

Kanskje ein god ide, og dette gjeld vel heile elvi, ikkje berre over/framafor Langøyane.

Men den heilt store effekten ville eg ikkje venta. Problem nr. 1 i elvi er at ho har vorte kaldare og fullare av slam.

Og som eg har skrive før: Det ligg føre planar om at ho skal bli endå kaldara og fullare av slam.

(Elles har du eit flott nikkneim no! Og eg skal ikkje spørja om kven han jiljelas var… )

Av: jiljelasguten

jiljelasguten — Sat, 09 May 2009 20:53:22 +0000

Eg meiner at om dei absolutt må grava i elva,so burde dei prøva å laga til hølar og bakevjer der sideelvar og bekker renn ut i storelvi. Slik var det før i tida. No har dei greve og ordna so elvi renn strid forbi. Det var slike plassar gamlekarane kalla “fiskehald”. Der stoppa fisken,og der kunne han veksa. Dette gjeld forresten graving framanfor Langøyane.
Kanskje noko for fiskegruppa å arbeide med?

Av: eies

eies — Sat, 09 May 2009 18:13:04 +0000

Du har eit poeng der, fos. Utan at eg skal seia at eg er 100% einig…

No blir det produsert ei nokså stor mengd med yngel i ein del sidebekker. Men kva hjelper det når dei kjem ut i ei slamfull bre-elv som vart kaldara etter utbygginga.

Og no ynskjer sterke krefter å gjera større deler av elva endå kaldare. Og endå meir slamfull.

Av: fos

fos — Sat, 09 May 2009 17:34:16 +0000

Synd dei ikkje brukar pengane på fjellauren og gyteplassane deira langs Jostedøla. Trur mange fleire hadde hatt gleda av de enn laksetrappa. Var vel gyteplassane til fjellauren som vart øydelagde under utbygginga og ikkje framkomsten til laksen og sjøauren?

Av: eies

eies — Sat, 09 May 2009 09:47:57 +0000

Sagt på ein annan måte: Laksen og sjøauren skal gå forbi Langøyane fordi det etter det eg forstår var eit krav i samband med utbygginga. (For kor lenge sidan?) Levevilkåra for fisken i elva vart (etter det eg forstår) vesentleg dårlegare. Ma. har temperaturen i elva gått ned. For å kompensera for dette skulle fisken få eit større oppvekst- og leveområde.

Men dette bør Jakt- og Fiskelaget i Luster, fiskarar elles og grunneigarar kunna korrigera og seia meir om.

Av: eies

eies — Sat, 09 May 2009 08:49:07 +0000

Ja, du seier noko, der.

Men trekkjer eg logikken for langt når eg spør om det er slik at Statkraft og Vår Herre er på same lag?

Av: TT

TT — Fri, 08 May 2009 18:19:35 +0000

Eg har ikkje peiling på om ho fungerer. Men kan nokon fortelje meg kvifor laksen og sjøauren skal gå forbi Langøyane? Vår Herre ville det ikkje slik – etter det eg veit.